ភ្នំពេញ ៖ កាលពីថ្ងៃទី ១៩ ខែ កក្កដា ឆ្នាំ ២០១២ សាកលវិទ្យាធិការនៃសាកល វិទ្យាល័យអន្តរជាតិឯកឧត្តមសាស្ត្រាចារ្យមហាបរិញ្ញាបណ្ឌិត សាបូ អូហ្សាណូ ត្រូវបានស្ថាប័ន CMO Asia សម្រេចជាឯកឆ្ឆន្ទប្រគល់ជូននូវពានស្នា ដៃឆ្នើមក្នុងភាពជាអ្នកដឹកនាំវិស័យអប់រំ Education Leadership ក្នុងមហាសន្និបាតប្រគល់ពាន របស់ស្ថាប័នអប់រំឆ្នើមលើកទី ៣ ដែលរៀបចំធ្វើនៅសណ្ឋាគារ Park Royal នាប្រទេសសិង្ហបុរី។
ការសម្រេចទទួលស្គាល់នូវស្នាដៃ CMO នេះគឺបានធ្វើឡើងដោយផ្អែកលើលទ្ធផលនៃការសិក្សា និងស្រាវជ្រាវរបស់ស្ថាប័នស្រាវជ្រាវ Star Research Group ដោយមានការវាយតម្លៃដោយដៃគូយុទ្ធសាស្ត្រគឺក្រុមប្រឹក្សាអប់រំពិភព លោក (World Education Connection WEC) ក្រុមប្រឹក្សា CMO និង CMO Asia និងស្រាវជ្រាវបានទទួលស្គាល់ដោយសហព័ន្ធពាណិជ្ជកម្មអាស៊ី Asia confederatim of Businesses។
ឯកឧត្តមសាស្ត្រាចារ្យមហាបរិ ញ្ញា បណ្ឌិត សាបូ អូហ្សាណូ បានប្រសូត្រនៅថ្ងៃទី ១១ ខែ មេសា ឆ្នាំ១៩៧៣ នៅខេត្តបាត់ដំបង ដោយមានបិតាឈ្មោះ អ៊ួន សាបូ និងមាតា គួច សេងសាលី ជាបុត្រដែលបានដើរតាមគន្លងធម៌ និងត្រាប់តាមដំបូន្មានរបស់មាតាបិតាហើយឯកឧត្តមតែងទទួលបានជោគជ័យ ជានិច្ចទាំងក្នុងការសិក្សា និងការងារវិជ្ជាជីវៈ។
ក្រោយពេលបញ្ចប់ការសិក្សាថ្នាក់ មធ្យមសិក្សាកម្រិត ២ (បាក់ឌុប) ឯក ឧត្តមត្រូវបានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះ រាជាណាចក្រកម្ពុជាផ្តល់អាហារូបករណ៍ទៅសិក្សាក្រៅប្រទេស នៅឆ្នាំ ១៩៨៩ ហើយមកដល់ ឆ្នាំ ១៩៩៦ ឯក ឧត្តមបញ្ចប់ការសិក្សាថ្នាក់វេជ្ជបណ្ឌិត និងដល់ឆ្នាំ ១៩៩៩ ឯកឧត្តមបានទទួលសញ្ញាប័ត្រឆ្នើមឯកទេសរោគកុមារ និងសុខភាពសាធារណៈពីសាកលវិទ្យាល័យមិត្តភាពប្រជាជនរុស្សី (Russian People Friendship University) ។
ក្នុងឆ្នាំ ២០០២ ឯកឧត្តមបានរួមផ្តួចផ្តើមបង្កើតសាកលវិទ្យាល័យអន្តរ ជាតិឡើងក្រោមការជ្រោមជ្រែង និងទំនុក បម្រុងពីបិតារបស់ឯកឧត្តម។ ក្រោយ ការទទួលស្គាល់ជាផ្លូវការនៅថ្ងៃទី ១៦ ខែ ធ្នូ ឆ្នាំ ២០០២ របស់រាជរដ្ឋាភិបាលកម្ពុជាដែលមានសម្តេចតេជោ ហ៊ុន សែន ជាប្រមុខដឹកនាំដ៏ឈ្លាសវៃ ឯកឧត្តមបានក្លាយជាមនុស្សដំបូងគេបំផុតនៅក្នុងប្រវត្តិសាស្ត្រ ដែលបានបង្កើតឲ្យមានវិស័យអប់រំសុខាភិបាលឯកជននៅកម្ពុជា។
ការខិតខំរបស់ឯកឧត្តមបានបន្ធូរ បន្ថយនូវបន្ទុកដ៏ធ្ងន់ធ្ងររបស់រាជរដ្ឋា ភិបាលក្នុងការបណ្តុះបណ្តាលធនធាន មនុស្សដ៏ចាំបាច់ក្នុងវិស័យសុខាភិបាល និងបានផ្តល់ឱកាសជូននិស្សិតរាប់ពាន់នាក់បានចូលសិក្សាវេជ្ជបណ្ឌិត ឱសថបណ្ឌិត ទន្តបណ្ឌិត គិលានុបដ្ឋាក ឆ្មប ក៏ដូចជាវិស័យអមវេជ្ជសាស្ត្រជាច្រើនទៀត។ ក្នុងពេលជាមួយគ្នានោះដែរឯក ឧត្តមក៏ បានផ្តល់នូវការងាររាប់រយកន្លែងដល់សាស្ត្រាចារ្យ បុគ្គលិក និងមន្ត្រីរដ្ឋបាលនានា។
ដោយមើលឃើញនូវសមិទ្ធផល និងការលះបង់ដ៏ធំធេងរបស់ឯកឧត្តម យ៉ាងដូច្នេះហើយ ទើបប្រមុខរាជរដ្ឋា-ភិបាលកម្ពុជាបាន ទូលថ្វាយ និងស្នើសុំព្រះករុណាព្រះ បាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ដើម្បីប្រទាននូវឥស្សរិយយស និងគោរមងារជា សាស្ត្រា ចារ្យមហាបរិញ្ញាជូនឯកឧត្តមបណ្ឌិត សាបូ អូហ្សាណូ នៅថ្ងៃទី ២០ ខែ មេសា ឆ្នាំ ២០១១។
ក្រៅពី ការព្យាយាមអត់ធ្មត់ និងតស៊ូ ឯកឧត្តមសាស្ត្រាចារ្យមហាបរិញ្ញាបណ្ឌិត សាបូ អូហ្សាណូ មានបុគ្គលិកលក្ខណៈ ពិសេសគឺភាពហ្មត់ចត់ និងការចងចាំខ្ពស់។ តាមរយៈជំនួយការផ្ទាល់របស់ឯក ឧត្តមមួយរូប គឺលោក អេរិក បានឲ្យដឹង ថា ឯកឧត្តម កម្រប្រើកំណត់ត្រាណាស់តែ ឯកឧត្តមអាចចងចាំនូវរាល់ព្រឹត្តិការណ៍ និងសកម្មភាព ឬឯកសារកាលប្បវត្តិនានាក្នុងការងាររបស់ឯកឧត្តមបានយ៉ាង ច្បាស់។ ឯកឧត្តមមានភាពរហ័សរហួន និងពូកែសម្របសម្រួលតាមកាលៈទេសៈ និងសភាពការណ៍បានយ៉ាងមានប្រសិទ្ធិភាព។ ឯកឧត្តមឆាប់យល់ និងឈ្លាសវៃក្នុងការធ្វើការសម្រេចចិត្តហើយ ឯកឧត្តមមានការគោរព និងកតញ្ញូដ៏ជ្រាលជ្រៅ ចំពោះមាតាបិតា។
សម្ភាសតាម ទូរស័ព្ទជាមួយវរជនខ្មែរ ពីប្រទេសសិង្ហបុរីឯកឧត្តម បានសម្តែងភាពត្រេកអរ និងមោទនភាពថា ក្នុងនាមខ្ញុំជាកូនខ្មែរមួយរូបខ្ញុំមានមោទន ភាពដ៏ក្រៃលែងដែលត្រូវបានស្ថាប័ន CMO ប្រគល់ជូននូវពានថ្ងៃនេះ ឯកឧត្តមមានប្រសាសន៍បន្ថែម ថា ខ្ញុំសូមឧទ្ទិសនូវពាននេះជូនដល់វិញ្ញាណក្ខន្ធឪពុករបស់ខ្ញុំគឺ ឯកឧត្តម អ៊ួន សាបូ បិតាស្ថាបនិក និងជាសាកលវិទ្យាធិកាទី ១ នៃសាកល វិទ្យាល័យអន្តរជាតិ និងជូនចំពោះអ្នកម្តាយ គួច សេងសាលី ដែលបានផ្តល់ កំណើត និងដំបូន្មានល្អដល់ខ្ញុំ តាមបីបាច់ថែរក្សាខ្ញុំរហូតដល់សព្វថ្ងៃ ហើយជូនជាពិសេសចំពោះលោកឪពុក និងអ្នកម្តាយ ក្មេកខ្ញុំ និងភរិយាខ្ញុំលោក ជំទាវ អ៊ុក រ៉ាវីន ដែលតែងតែផ្តល់កម្លាំង ចិត្តដល់ខ្ញុំដែល ជាកត្តាសំខាន់បំផុតសម្រាប់ជោគជ័យរបស់ខ្ញុំ។ ឯកឧត្ដមសន្យាថានឹងបន្ដបំពេញភារកិច្ចឲ្យស្របតាមឆន្ទៈបិតារបស់ ឯកឧត្ដម ដើម្បីទទួលបានជោគ ជ័យនៅថ្ងៃអនាគតបន្ដទៀត។
លោក អេរិក ជាជំនួយការផ្ទាល់របស់ឯកឧត្តមបានឲ្យដឹងថា ស្ថាប័ន CMO រៀបចំពិធីប្រគល់ពានស្នាដៃឆ្នើម នេះ សម្រាប់ថ្នាក់ដឹកនាំ សាស្ត្រាចារ្យ អ្នក ស្រាវជ្រាវក្នុងវិស័យអប់រំ មកពីជាង ២០ ប្រទេសនៅក្នុងអាស៊ីជាអាទិ៍ប្រទេសកម្ពុជា ថៃឡង់ដ៍ ម៉ាឡេស៊ី ភីលីពីន បង់ក្លាដេស នេប៉ាល់ ឥណ្ឌា ស្រីលង្កា សិង្ហបុរី ឡាវ វៀតណាម ប៉ាពួញូវហ្គីណេ ប៉ាគីស្ថាន កូរ៉េ ជប៉ុន ចិន តៃវ៉ាន់។ល។ ព្រឹត្តិការណ៍ដ៏សំខាន់នេះអាចចាត់ទុកថា ជាកិត្តិយសយ៉ាងធំធេងសម្រាប់សាកលវិទ្យាល័យអន្តរជាតិក៏ដូចជាពលរដ្ឋ ខ្មែរផងដែរ៕ ដោយ តារារិទ្ធ